Ginataang Tulingan

dorcenkitchenette

Ito ang pinaka paborito ko sa lahat na ulam.  Isa din itong best seller sa aking mini resto.  Isang mini resto na pang masa.

Sangkap

1kl Tulingan

1 sibuyas

2 kamatis

4 na butil ng bawang

1/2 kutsaritang paminta (cracked )

1/2 tasa ng luya (hiniwa ng stripped )

1 magic sarap

asin

sili pang sigang

sili labuyo

Petchay or talong (optional lamang )

Gata ng niyong ( isang buo ng niyog na piniga na)

1/2 tasa na Suka

Pamaraan

- hatiin ang hiniwang sibuyas, bawang, kamatis, luya.  Ilagay sa kaldero o kawali ang mga hinating mga   

  rekado kasama ang paminta.  

- isunod lagay ang isda (tulingan o di kaya ay tambakol o tilapia) mga pagpipiliang mga isda na gagataan

- ilagay ang suka kapag nailgay na ang isda sa ibabaw ng mga sangkap.  

-Hayaang kumulo ng mga 5minutes

-ilagay ang mga natirang sangkap pagkatapos ng 5minutes na pakulo sa suka kasabay ng pangalawang gata.

  hayaan itong kumulo ng mga 10minutes.

-after 10 minutes ilagay ang unang gata kasabay ang siling pamaksiw o pangsigang at ang siling labuyo.

  halu-haluin ang gata para hindi kumulta o magbuo-buo. Kapag kumulo na at luto na ang unang gata saka  ihulog ang talong o petchay at ilagay ang magic sarap. Timplahin at takpan ng mga 3minutes para maluto ang pechay. Kapag talong ang hinalo kailangan isabay ito sa pangalawang gata. 

Manok Adobo sa Gata (Chicken Adobo in Coconut Cream)

dorcenkitchenette Ito ang pinakapaborito ko sa lahat ng luto.  Bata pa lamang ako ay nakagisnan ko na ang lutuing ito ng tatay ko.  Tuwing mayroong may birthday sa pamilya, mayroon bisita at lalong-lalo na pagkatapos dumaan ang malakas na bagyo. Masarap ang “native na manok” sa lutuing ito.  Masarap lalo na kapag ‘sinagkotsa ito sa tanglad” bago ito lagyan ng gata at luyang dilaw. “Ate Bicolana ka ba, o Bisaya?”, ;aging tinatanong sa akin.  Bago kasi ako pumasok sa opisina, kailangang makapagluto muna ako ng ilang putahe.  Madaling araw kasi ako namamalengke 3:30.  Ang mga niluluto ko daw ay patok sa masa lagi lalo na iyong dinuguan. Swak na swak sa panlasa nila ang mga ma anghang na ulam. Mga Sangkap: 1 kilo manok adobot cut 1 Sibuyas katamtaman ang laki 3 butil ng Bawang 1 piraso ng Laurel 1 piraso ng Tanglad Luyang dilaw Luya Sili pangsigang or pamaksiw Sili Labuyo Sili pokingan o bell pepper Paminta durog 1/2 Tasa Suka (datu) 1 kutsara Patis Magic Sarap Gata (una ta pangalawang gata) Optional : Papaya o dahon ng malunggay puede ihalo sa karne Paraan ng Pagluluto: Igisa ang sibuyas, bawang at luya papulahin kunti Ilagay ang manok, patis paminta at laurel, hayaan ng 5 minuto na kumukulo at ilagay na rin ang tanglad at suka.  Takpan. Kapag tapos na itong pakuluan ng 5 minuto, ilagay ang pangalawang gata kasabay ang luyang dilaw na hiniwa-hiwa ng maliliit.  Hayaang kumulo ng mga  10 minuto. Puwede nang isabay ang papaya na hiniwa ng slanting o ayon sa gusto mong sukat Kapag luto na, ilagay na ang panghuling gata, kasabay ng siling pamaksiw at siling labuyo (tantyahin lamang ang gusto mong anghang). Timplahin ng asin at magic sarap, ilagay ang bell pepper o siling pokingan. Pakuluan ng dahan dahan hanggang sa ito ay lumapot.  Mas masarap kapag lumabas ang sariling mantika ng niyog ng kunti. Ihain na mainit kasabay ng mainit din na kanin.